Recept - Animals da pasta da quarc

Preparar: 30 min.
Levar: 1 h 30 min.
Coier: 25 min.

Las ingredienzas
per 6 animals

Pasta da quarc

• 500 g farina alva
• 1/2 tp sal
• 125 g zutger
• 1 satget zutger da vaniglia
• 1 dl latg tievi
• 1 pachet levon sitg à 7 g
• 120 g margarina
• 1 ov
• 130 g quarc mez grass
• 1 tp paletscha da citronas
• 1 ov per stritgar si

Garnitura

• bastunins da mandels
• ivas, p. ex. sultaninas ubain ivettas
• zutger granellus

tp = tschadun pitschen

Pass per pass

Pasta da petta

1. Maschadar la farina, il sal, il zutger ed il zutger da vaniglia en ina cuppa. Furmar ina foppa entamez. Metter il latg ed il levon en la foppa e laschar star per in mument.
2. Uschespert che las emprimas vaschiettas sa furman, agiuntar la margarina, l’ov, il quarc e la paletscha da citronas. Truschar tut, enfin ch’i dat ina pasta loma. Cuvrir la pasta e laschar levar ella per ca. 1 ura.
3. Parter la pasta en 6 parts medem grondas. Furmar mintgamai cun ina part tl’animal giavischà. Decorar tenor plaschair cun bastunins da mandels ed ivas.
4. Metter las figuras sin ina lastra cun palpiri da furnel e laschar levar danovamain per ca. 30 min.
5. Prestgaudar il furn sin 180 grads (chalira sura e sut).
6. Stritgar si pauc ov sin tut ils animals. Tenor plaschair garnir cun zutger granellus e metter en il furnel per 25 min.

Remplazzar la margarina cun paintg lom ed 1 pachet levon sitg correspunda a 20 g levon frestg.

Legenda: Animals da pasta da quarc Migusto

Copyright e recept da Migusto