Recept - Biscuits d’um da naiv

Preparar: 40 min.
Coier: 15 min.
Frestgentar: 30 min.

Las ingredienzas
per 20 biscuits

Per ils biscuits

• 250 g farina
• 60 g zutger
• 1 satget zutger da vaniglia
• 1 presa sal
• 125 g paintg fraid

Per la decoraziun

• 20 marshmallows
• 2 risplis da colur da vivondas (oransch e nair)
• 200 g pulvra da zutger
• 2½ tg aua fraida
• 100 g smarties
• 50 g tschigulatta mez amara

Pass per pass

Biscuits

1. Truschar la farina, il zutger, il zutger da vaniglia, il sal ed il paintg ad ina pasta.
2. Pachetar la pasta en folia salvafrestgezza e laschar en frestgera per 30 min.
3. Prestgaudar il furn sin 180 grads.
4. Zullar la pasta e furar ora 20 rudels cun agid dad ina furma radunda.
5. Metter ils biscuits sin ina lastra cun palpiri da furnel. Laschar coier ils biscuits per 12-15 min. en il furn.
6. Laschar sfradar ils biscuits cumplettamain.

 Decoraziun

1. Dissegnar cun ils risplis da colur da vivondas sin mintga marshmallow egls ed ina bucca naira sco era in nas oransch.
2. Maschadar la pulvra da zutger cun l’aua. Reparter questa maschaida sin il biscuit ed immediat metter sisura il marshmallow ed ils smarties.
3. Laschar luar la tschigulatta en in bogn d'aua. Furmar la bratscha da l’um da naiv cun la tschigulatta luada.
4. Laschar trair la decoraziun cumplettamain.

Legenda: Biscuits d’um da naiv einfachbacken.de

Copyright e recept da einfachbacken.de