Siglir tar il cuntegn

Header

cuntegn

Recept Leventada da Pasca

Uschia fas ti la leventada.

Preparar: 20 min.
Laschar pussar: 75 min.
Coier: 30 min.

Las ingredienzas

  • 250 ml latg
  • 80 g paintg
  • 500 g farina
  • 80 g zutger
  • 1 tp paletscha da citronas grattada
  • 1 presa sal
  • ½ quadrel levon frestg
  • 50 g mandels manizzads
  • 100 g ivettas
  • 1 ov per la glasura
  • 2 tg latg per la glasura
  • in pau zutger granellus per springir sin la leventada in zic farina per elavurar la pasta

tg = tschadun grond, tp = tschadun pitschen

Pass per pass

  1. Stgaudar il latg en ina padella. Agiuntar il paintg en tocs e laschar luar el. Maschadar en ina cuppa la farina cun il zutger, la paletscha da citronas grattada ed il sal. Far en tocs il levon e dar tiers quels successivamain. Agiuntar la maschaida da latg tievia. Truschar las ingredienzas 5 minutas cun ils crutschets dal mixer fin ch‘i dat ina bella pasta.
  2. Truschar las ivettas ed ils mandels en la pasta. Cuvrir la pasta e laschar pussar ella 45 minutas. Springir in zic farina sin la surfatscha da lavur, empastar la massa e furmar ina leventada (ca. Ø 22 cm). Metter la leventada sin ina lastra cuvernada cun palpiri da furnel. Cuvrir la leventada ed anc ina giada laschar pussar ella 30 minutas.
  3. Prestgaudar il furnel sin 180 grads (aria circulanta: 160 grads). Entagliar cun in cuntè ina crusch en la leventada. Truschar l‘ov cun il latg e stritgar sco glasura sin la leventada. Springir ella tenor plaschair cun zutger granellus u mandels manizzads. Coier ella var 30 minutas en la part sut dal furnel.
Leventada da Pasca
Legenda: Leventada da Pasca RTR

Artitgels legids il pli savens

Scrollar a sanestra Scrollar a dretga