Recept - Lieurs da tarschola

Las ingredienzas per 4 lieurs da tarschola

• 500 g farina
• 1 quader levon
• 125 ml latg, tievi
• 60 g paintg
• 2 ovs
• 1 prisa sal
• 1 ov (per stritgar si)
• 50 g zutger granellus

Pass per pass

1. Dissolver il levon en ina cuppa cun il latg tievi.
2. Agiuntar il latg a la farina ensemen cun ils 2 ovs, il sal ed il paintg lom. Truschar fitg bain la pasta.
3. Laschar ruassar la pasta 30 minutas en in lieu cun temperatura da stanza.
4. Metter in pau farina sin la surfatscha da lavur e furmar la pasta ad ina rolla. Parter quella en quatter parts.
5. Prestgaudar il furn sin 200 grads (aria circulanta) e preparar ina lastra cun palpiri da furnel.
6. Tagliar giu da mintga part da la pasta in toc da circa 3 cm, metter da la vart quest toc. Quel è per la cua da la lieur.
7. Prender ina rolla suenter l’autra e struvegiar la pasta (guardar fotos). Far ina culla cun la part per la cua e la metter en la fora. Reparter las lieurs sin la lastra.
8. Stritgar si l'ov e springir cun zutger granellus. Laschar ruassar las lieurs 10 minutas.
9. Laschar coier las tarscholas circa 20 minutas en il furn prestgaudà.

Pass per pass

Recept sco PDF