Recept - Tschigulatta chauda cun biscuits da pizieuta

Preparar: 15 min.
Coier: 9 min.

Las ingredienzas
per 4 persunas

Pasta da biscuit

• 150 g paintg lom
• 120 g zutger
• 1 ov
• tp sal
• 1 citrona
• 300 g farina alva
• 2 tp spezaria da pizieuta
• tp pulvra da levon

Tschigulatta chauda

• 8 dl latg
• 80 g tschigulatta stgira
• 1 tp spezaria da pizieuta

tp = tschadun pitschen

Pass per pass

Biscuits da pizeuta

1. Maschadar il paintg, il zutger, l’ov ed il sal en ina cuppa, enfin che la pasta daventa pli clera.
2. Agiuntar a la pasta in zic da la paletscha da citrona.
3. Maschadar la farina, la spezaria da pizieuta e la pulvra da levon, agiuntar tut a la pasta e maschadar.
4. Cuvrir la cuppa e metter a frestg la pasta per ca. 30 min.
5. Zullar la pasta sin ina grossezza da ca. 4mm.
6. Furar ora las furmas giavischadas e metter quellas sin ina lastra cun palpiri da furnel.
7. Metter ils biscuits en il furn e coier per ca. 9 min. sin 180 grads.
8. Laschar sfradentar ils biscuits sin in giatter.

 Tschigulatta chauda

1. Far buglir il latg en ina padella.
2. Rumper la tschigulatta en tocs.
3. Agiuntar la tschigulatta e la spezaria da pizieuta al latg.
4. Laschar luentar la tschigulatta e maschadar tut.
5. Emplenir en scadiolas e servir ensemen cun ils biscuits.

Legenda: Tschigulatta chauda cun biscuits da pizieuta Little Fooby

Copyright e recept da Little Fooby