Siglir tar il cuntegn

Header

cuntegn

Recept Turta da carottas

Has ti gust sin ina turta da carottas?

Preparar: 30 min.
Laschar pussar: ca. 30 min.
Coier: 40 min.

Las ingredienzas per ina furma da cake 26 - 28 cm

  • 4 ovs, alv e mellen d’ov separà
  • 1 presa sal
  • 150g zutger
  • 1 citrona, la paletscha grattada
  • 1 tp chanella
  • 250g carottas, sgrattà fin
  • 125g mandlas mieutas
  • 60g farina
  • 1 tp pulvra da levon

tp = tschadun pitschen

Pass per pass

  1. Sbatter l’alv d’ov ensemen cun il sal. Agiuntar il zutger e sbatter vinavant, enfin che la pasta è cumpacta e glischa. Agiuntar il mellen d’ov e truschar curt la pasta.
  2. Agiuntar la paletscha da citrona, la chanella, las carottas e las mandlas. Crivlar la farina e la pulvra da levon en la pasta. Suenter maschadar la massa precautamain cun il sgrattin da gumma.
  3. Svidar la pasta en la furma da cake e coier la turta ca. 40 min. en la part sut dal furn prestgaudà sin 180°C.
  4. Laschar pussar la turta ca. 30 min. en la furma e pir suenter metter ella sin in giatter.
Turta da carottas
Legenda: Turta da carottas Swissmilk

Copyright e recept da Swissmilk

Artitgels legids il pli savens

Scrollar a sanestra Scrollar a dretga