La festa d'uffants a Laax porscha ils 18 e 19 da fanadur in program varià per l'entira famiglia. L’occurenza famigliara porscha attracziuns per uffants da 2 – 13 onns.
Cun in da 5 francs pon ils uffants giudair attracziuns sco ina show da chauns da polizia, ir a chaval cun ponis, filar pendì vi d'ina suga d'atschal giu d'ina spunda ed in toc sur il lai. Passa 40 posts spetgan sin rodund 3'000 uffants e lur persunas accumpagnantas. In di magic plain aventuras.
Magia era en la tenda da paraulas da RTR
In punct culminant è la tenda da paraulas da RTR. Là pon ils uffants sa travestir sco princessas, pirats u autras figuras da fantasia e far ina bella fotografia da regurdientscha.
Plinavant datti trais concerts cun chanzuns rumantschas per uffants. A las 11:00, 13:00 e 15:00 envidan Gaby Degonda e Marcus Petendi da chantar, sa mover e giudair la musica rumantscha ensemen.
La tenda da RTR è averta durant l'entir di e porscha in program divertent per tut la famiglia. Vegni sperasvi e passentai in di plain aventura e divertiment cun nus.
Nus ans legrain sin las fatschas rientas dals uffants – quai è mintg'onn in highlight per nus.