Gambia è ina republica en il vest da l'Africa a la riva dal flum Gambia. Per la pli gronda part vegn Gambia circumdada dal stadi Senegal. Cun var 11'000 kilometers quadrat è Gambia in dals pli pitschens stadis da l'Africa. Gambia ha var 2,0 milliuns abitants e la chapitala è Banjul.
Duai la Svizra trametter Ousman Sonko enavos en la Gambia?
Ousman Sonko è dapi la fin da schaner 2017 en arrest d’inquisiziun en Svizra. Ad el vegn renfatschà d’avair commess crims cunter l’umanitad en la Gambia. Quai tranter il 2006 ed il settember 2016, nua ch'el è stà minister da l'intern da la Gambia. La regenza da la Gambia pretenda ussa da la Svizra dad extrader l’anteriur minister da l’intern Ousman Sonko.