Siglir tar il cuntegn

Header

video
Plastic vegn duvrà dapertut
Or da Minisguard dals 29.04.2017.
laschar ir. Durada: 2 minutas 31 Secundas.
cuntegn

Lexicon P Plastic

Il plastic vegn duvrà dapertut en il mintgadi. El è levs, rumpa betg ed ins po tegnair si ditg el. Il plastic ha blers avantatgs - porta dentant era gronds problems. Tge far cun il plastic che na vegn betg pli duvrà, è anc adina in grond problem.

Plastic è in material ch'ins po defurmar e transfurmar en objects cumpacts, è levs (satget da plastic), rumpa betg ed ins po tegnair si ditg el. E quai è era il problem. El sa lascha tegnair si memia ditg. Perquai ch'il plastic n'è betg in material natiral vegn el era betg bajegià giu da la natira. En Svizra dovra mintga persuna 125 kilos plastic per onn.

Ina chamulauna che ha appetit sin plastic

Igl è ina sensaziun che scienziads han scuvrì casualmain: Ina chamulauna che mangia plastic. En quest animalet han blers ussa grondas speranzas. Forsa sa la chamulauna schliar il problem cun il plastic che na vegn betg pli duvrà. Po quest animalet propi da schliar il quest problem?

video
Ina chamulauna che maglia plastic
Or da Minisguard dals 29.04.2017.
laschar ir. Durada: 1 minuta 47 Secundas.

«The Sea Cleaners»

En las mars sa nodan entirs tarpuns da rument da plastic. Quai problem è enconuschent dapi decennis. Ussa duai quai dar ina schliaziun per pudair schbregiar la mar. Il Svizzer franzos Yvan Bourgnon ha concepì ina bartga a vela che pestga plastic or dal mar.

video
«The Sea Cleaners»
Or da Minisguard dals 14.04.2018.
laschar ir. Durada: 1 minuta 29 Secundas.

Artitgels legids il pli savens