L'onn 1910 è la lingia dal Bernina vegnida messa en funcziun. Ella collia San Murezzan cun Tiraun. Dapi l'onn 2009 è ella era part dal patrimoni mundial da l'Unesco. In da plirs puncts culminants da quest viadi è il caraun da Montebello. Tar nagin auter caraun sin quest mund vegni fatg uschè bleras fotografias sco tar il Montebello. Nus mussain ils puncts culminants dal viadi.
Co surmunta il tren dal Bernina ils culms?
Co pomai po in tren ir da 1800 meters sur mar sin 2300 e lura da l'autra vart giu sin 400 meters sur mar? En il cas da la lingia dal Bernina datti da la vart dal Puschlav ina differenza d'autezza da bunamain 2000 meters. Enorm, u betg? Il Minisguard mussa co trens, surtut co il tren dal Bernina, surmuntan talas pendenzas.
Allegra il nov tren sin il traject dal Bernina
Sin il traject dal Bernina charrescha ussa in nov tren. Quel ha il num Allegra. Il Minisguard ha fatg il viadi cun quest nov tren ed ha laschà declerar il locomotivist tge ch’è tut nov vi da quai tren. Ina da quellas novaziuns è che quai tren po charrar sin omaduas raits d’electricitad da la Viafier retica. Daco datti insumma duas raits d’electricitad e co funcziuna quellas? Il Minisguard ha las respostas.
