Tar il webgame «4 linguas sco dessert» ed ils videos da cuschinar che fan part na stat betg mo la plurilinguitad en il focus. La purschida d’emprender multimediala preschenta era atgnadads culinaricas, culturalas e geograficas da la Svizra.
Il gieu è concepì intuitivamain e permetta als scolars da sa mover independent en la stanza da scola. Per evitar in battibugl canerus en la stanza da scola duain ils scolars giugar il webgame cun uregliers.
A l’entschatta dal gieu è ultra da quai recumandada ina registraziun, nua ch’ins po tscherner libramain il num d’utilisader ed il pled-clav. Quai porscha l’avantatg ch’il stan dal gieu vegn arcunà e ch’il gieu po vegnir cuntinuà pli tard senza interrupziun.
Il stan da gieu vegn mesirà cun clavs. Per mintga incumbensa schliada survegnan ils scolars ina clav verda e per regiuns linguisticas finidas ina clav d’aur.
Material d’instrucziun per il gieu
Cuntegns or dals videos da cuschinar e dal webgame vegnan reunids en in lavuratori d’emprender. Quels pon vegnir duvrads tant en l’instrucziun da linguas estras sco er en il rom «natira, uman, societad».
Documents per l’instrucziun
Igl è recumandabel da colliar il material d’instrucziun cun l’instrucziun tradiziunala da geografia ed istorgia. Il diever dal webgame è er adattà sco preparaziun per in champ da classa en in’autra regiun linguistica.
4 linguas – 4 videos
La turta da nuschs grischuna da Laila
Ella è in dals souvenirs preferids da las muntognas grischunas: la turta da nuschs grischuna. Ma attenziun, i na dat betg mo ina turta da nuschs grischuna. Tut tenor la regiun varieschan il gust e la preparaziun. Lila da Scuol cuschina era tenor agen recept.
Vermicelli signifitga per talian «verms pitschens». Quai ha dentant mo da far cun vesair ora dad il dessert e nagut cun il cuntegn. La spezialitad tessinaisa consista principalmain da chastognas ed ha in gust excellent. Da quest avis è era Dante che fa sez ses Vermicelli.
Alv d'ov e pulvra da zutger: or da questas duas ingredienzas fan ins merengas. Ina simpla receptura che l’ha purtà da lunsch. Schizunt il retg franzos Ludivic XV duai avair amà quest dessert. Era Gaia chatta gust da merengas. Ma danunder vegnan questas delicatessas atgnamain?
Robins Aargauer Rüeblitorte
En Svizra tudestga è la turta da carottas da l’Argovia bain enconuschenta ed in classicher tar festas d’anniversari. Co che la turta ha survegnì ses num resta dentant in misteri. Cler è mo, che ses origin sa chatta en il chantun Argovia. Ma tge ha l’Argovia da far cun carottas?
SRF school