Di per di curseschan novitads nunvairas en l'internet ed èn strusch da distinguer da vairas. Era medias seriusas na vegnan betg schanegiadas. Sche las Fake News vegnan alura partidas en las medias socialas han ils creaders da talas novitads nunvairas cuntanschì lur finamira.
I dat però meds sco ch’ins sa distinguer Fake News da novitads vairas:
- Verifitgar la funtauna: da nua deriva l’infurmaziun? Tgi ha scrit la novitad? Sin tge pagina è la novitad publitgada? Existan las persunas ed instituziuns ch'èn menziunadas en il text?
- Titel e layout, sbagls da scriver u blers segns d’exclamaziun pon denunziar Fake News.
- Verifitgar l’URL: Fake News pon esser publitgadas sin paginas, che sumeglian talmain las paginas originalas uschia che quellas pon spert vegnir scumbigliadas.
- Cumparegliar las novitads cun ils cuntegns d’autras medias seriusas.
La contribuziun da Linard Udris, il scienzià da medias, mussa tips e declera cun graficas co ch’ins po renconuscher talas novitads nunvairas cun in exempel fictiv.
Stgalim: Sek l, Sek ll
Roms: Medias, ICT
Chavazzin: fake news, falsificaziun, faussa novitad, manipulaziun, propaganda, publicaziun, Instagram, Facebook, twitter, snapchat, social media
Producziun: Katrin Sutter. SRF school 2020.
VOD: illimità