In'emna plain ideas creativas
RTR realisescha ensemen cun la scola primara da Donat dals 14 fin ils 17 d'avrigl emissiuns per radio, televisiun ed il mund digital. Ensemen cun in team da RTR fan las scolaras ed ils scolars diversas uras da radio live, èn responsabels per l’emissiun da Minisguard da sonda, ils 19-04-2025 e mettan en pe in'exposiziun da fotografias.
Gievgia – il di da la premiera
Oz èsi uschè lunsch – la premiera stat avant porta. Che quella gartegia, han ils uffants anc da far diversas preparativas. Las contribuziuns e texts èn pronts, ussa ston anc las petas e las decoraziuns vegnir finidas. Ils uffants da la scola Donat sa legran fitg sin la premiera da lur atgna emissiun dal «Minisguard».
-
Bild 1 von 9. Ils scolars e las scolaras da Donat han plaschair da quest'emna da project. Bildquelle: RTR.
-
Bild 2 von 9. Mintga di hai dà in'emissiun da radio – live ord il bus. Bildquelle: RTR.
-
Bild 3 von 9. L'ov da Pasca dad Arno encunter il qual da nossa moderatura Natalia Weber – tgi gudogna? Bildquelle: RTR.
-
Bild 4 von 9. L'ov da Pasca da Carlo ha survivì tut ils cumbats encunter ils conscolars e las conscolaras. Bildquelle: RTR.
-
Bild 5 von 9. Laurin penda si las fotografias ch'ils uffants da l'emprima e segunda classa han fatg durant quest'emna. Bildquelle: RTR.
-
Bild 6 von 9. La decoraziun na dastga betg mancar. Bildquelle: RTR.
-
Bild 7 von 9. Las davosas preparativas avant la premiera – Sarina e Carlina han tut sut controlla. Bildquelle: RTR.
-
Bild 8 von 9. La sala è pronta per la parentella dals uffants e tut lur amias ed amis. Bildquelle: RTR.
-
Bild 9 von 9. Avant la premiera dastgan ils uffants anc guardar co emprim lur product final. Els pon esser fitg loschs sin sasez. Bildquelle: RTR.
Mesemna – tagliar, intunar e las emprimas premieras
Ils uffants da la scola Donat èn profis da crear cuntegns. Suenter ch’els han filmà e registrà intervistas, vai oz vid il tagl. Tastaturas da colurs, microfons e programs da tagl cumplex. Per ils uffants nagin problem.
Ord bleras uras video, daventan plaun e plaun las contribuziuns per il Minisguard da sonda. Quai cun ina massa tagls, cun musica e cun grafica. E lura vali da leger en il text che declera tge che capita. Per cletg betg live – uschia chi na fa era nagut sch’ins ha ina giada da rir sturn durant la registraziun.
Radio live e tagliar las contribuziuns
-
Bild 1 von 5. Dominik Hardegger mussa co il tagl d'ina contribuziun funcziuna. Bildquelle: RTR.
-
Bild 2 von 5. La moderatura Natalia Weber cun Carlina e Sarina a far radio live. Bildquelle: RTR.
-
Bild 3 von 5. Leon documentescha quest'emissiun ensemen cun Ian Spescha. Bildquelle: RTR.
-
Bild 4 von 5. La decoraziun per la premiera vegn preparada. Bildquelle: RTR.
-
Bild 5 von 5. Las moderaziuns per l'emissiun vegnan gia ussa registradas. Bildquelle: RTR.
Mardi – Producir, producir, producir
L'emprim di è stà in success. Ussa vai vinavant cun bleras differentas producziuns per l'emissiun dal Minisguard. Oz è ultra da quai era stà l'emprim di ch'ils uffants han pudì far per l'emprima giada in'emissiun da radio live sur l'emettur.
Da radio e filmadas fin a la deco per la premiera
-
Bild 1 von 20. Carlina e Sarina tar Tizian Cantieni. Bildquelle: RTR.
-
Bild 2 von 20. Oz vai per alpacas – ma quels na survegnan oz betg las dumondas. Bildquelle: RTR.
-
Bild 3 von 20. Carlina fa las dumondas a Tizian Cantieni. Bildquelle: RTR.
-
Bild 4 von 20. Ils scolars e las scolaras da l'emprima e segunda classa èn oz sin via per rimnar impressiuns da la primavaira. Bildquelle: RTR.
-
Bild 5 von 20. Las fotografias vegnan lura stampadas per la premiera. Bildquelle: RTR.
-
Bild 6 von 20. Elias en l'intervista cun Rebecca Clopath a Lon. Bildquelle: RTR.
-
Bild 7 von 20. Per la premiera pon ils uffants esser creativs cun far la decoraziun. Bildquelle: RTR.
-
Bild 8 von 20. Tgi ha ils pli bels ovs da Pasca? Bildquelle: RTR.
-
Bild 9 von 20. Lieur ed ov da Pasca cumbinads. Bildquelle: RTR.
-
Bild 10 von 20. Oz vegnan ils ovs ch'ils uffants han zambregià bittà. Quai è ina tradiziun veglia da la Val Schons. Bildquelle: RTR.
-
Bild 11 von 20. Las davosas minutas avant ch'ils uffants pon bittar lur ovs. Bildquelle: RTR.
-
Bild 12 von 20. Ils uffants fan quest'emna era part dal team RTR, perquai ha mintgin survegnì uschè in t-shirt. Bildquelle: RTR.
-
Bild 13 von 20. Tuttas e tuts han plaschair dal bittar ovs. Bildquelle: RTR.
-
Bild 14 von 20. La persuna che ha il davos anc in ov entir gudogna tar quella tradiziun. Bildquelle: RTR.
-
Bild 15 von 20. Betg tut ils ovs han survivì il sgol. Bildquelle: RTR.
-
Bild 16 von 20. Era ils scolars han da dar intervistas a lur conscolaras. Bildquelle: RTR.
-
Bild 17 von 20. Mintgin e mintgina dastga bittar dus ovs. Bildquelle: RTR.
-
Bild 18 von 20. Suenter mintga runda èsi dad ir a tschertgar ils ovs da Pasca en il prà. Bildquelle: RTR.
-
Bild 19 von 20. A la fin vegnan ils ovs lura mangià dals uffants. Bildquelle: RTR.
-
Bild 20 von 20. Quai è la gruppa da RTR sin visita a Donat. Bildquelle: RTR.
Glindesdi – l'emprim cuntegn vegn registrà
Ils uffants da Donat ed il team da RTR han s'organisà il glindesdi en gruppas plain engaschi, motivaziun e plaschair – cun in cler plan e cuntegn per las emprimas producziuns che duain esser prontas il mardi.
In di da creativitad, planisaziuns e filmadas
-
Bild 1 von 19. Cun il producent dal Minisguard Tinet Gaudenz planiseschan ils uffants lur contribuziun. Bildquelle: RTR.
-
Bild 2 von 19. Las dunnas da camera Fadrina e Lea vid filmar. Bildquelle: RTR.
-
Bild 3 von 19. Ils uffants da l'emprima classa colureschan ovs da Pasca. Bildquelle: RTR.
-
Bild 4 von 19. RTR observa cun la camera co las lavurs vi dals ovs van. Bildquelle: RTR.
-
Bild 5 von 19. Gia èn las emprimas ovras dals scolars e da las scolaras prontas. Bildquelle: RTR.
-
Bild 6 von 19. Il redactur Federico Belotti e dus giuvens fan pront las dumondas per lur reportascha. Bildquelle: RTR.
-
Bild 7 von 19. Emprimas intervistas vegnan fatgas. Bildquelle: RTR.
-
Bild 8 von 19. Simea e Chiara han da sa metter en posa per la camera. Bildquelle: RTR.
-
Bild 9 von 19. Laurin en l‘intervista cun il chauffeur da l‘auto da posta Corsin Camenisch da Ziràn. Bildquelle: RTR.
-
Bild 10 von 19. Per ch'ils ovs pon vegnir colurads ston els sco emprim vegnir cotgs. Bildquelle: RTR.
-
Bild 11 von 19. Fadrina e Lea dattan in sguard sin las ovras d'art da l'emprima e segunda classa. Bildquelle: RTR.
-
Bild 12 von 19. Jonas ed Elias sin visita tar Dario Cantieni. Bildquelle: RTR.
-
Bild 13 von 19. Silvan ed Enea en l'intervista cun Jonas Baumann. Bildquelle: RTR.
-
Bild 14 von 19. Ina reportascha cun giaglinas. Bildquelle: RTR.
-
Bild 15 von 19. Sarina e Carlina tar ils chavals da Donat. Bildquelle: RTR.
-
Bild 16 von 19. Arno fa dumondas davart il «tùn resùn» a Lon. Bildquelle: RTR.
-
Bild 17 von 19. In zic divertiment na dastga betg mancar. Bildquelle: RTR.
-
Bild 18 von 19. Maletg e tun èn buns – la moderaziun po cumenzar. Bildquelle: RTR.
-
Bild 19 von 19. La saira èn Dominic, Carlo e Lucas ids sin la tschertga da cornas da selvaschina – igl era in success. Bildquelle: RTR.
A partir dal mardi datti mintga di tranter las 10:00 e las 10:50, in'emissiun da radio live da Donat sin radio RTR.
L'emprima entupada tranter ils uffants ed il team da RTR
-
Bild 1 von 3. Ils uffants han dastgà dar in sguard davos las culissas dal «Minisguard» avant che realisar lur atgna emissiun. Bildquelle: RTR.
-
Bild 2 von 3. Il moderatur Elias Tsoutsaios mussa als uffants e las scolastas co el fa radio live en il studio. Bildquelle: RTR.
-
Bild 3 von 3. Per pudair coordinar l'organisaziun da quest'emna ha noss producent Tinet Gaudenz fatg ina visita als uffants a Donat. Bildquelle: RTR.
Adina puspe ma legrel jau da vesair la creativitad, la motivaziun e la fantasia dals uffants. Uschia han era ils uffants da la scola primara da Donat mussà davent da l’emprim punct da contact in grond fieu per crear cuntegns multimedials!