Cun egls averts atras la vita van ils surds. Ma tge savais vus insumma da quel mund? Quest’emna en il Minisguard prendain nus cun vus en quel mund. E quel e vast: i dat per exempel 200 differentas linguas da segns sin il mund ed anc bler dapli da scuvrir. En Svizra discurran ils var 10'000 surds la lingua da segns tudestga, francesa u taliana e quai en var 12 dialects.
E nus accumpagnain ina scolasta che lavura en ina scola per persunas senza u cun fitg pauca udida: Lorena Müller da Domat è sezza surda e dat a nus ina invista en il mintgadi senza udida. Ella declera tge sfidas ch'il mintgadi porscha e sco ch'ella communitgescha cun persunas che na san betg la lingua da segns.
La lingua da segns è oz sonda er en il focus da SRF 1. L'entir di datti là emissiuns da televisiun, nua ch'il mund dals surds stà en il center.
RR Minisguard 17:40