Co vegn l'emissiun da «Minisguard» realisada? Co fan ins intervistas? Tge dovri tut per far uschia in'emissiun? Collavuraturas e collavuraturs da RTR mussan e realiseschan ensemen cun ils scolars e las scolaras da la 5 fin 6avla classa da Müstair in'emissiun. Ils uffants emprendan durant differents workshops co far contribuziuns, creeschan in «studio» extern, modereschan, emprendan co che la tecnica funcziuna e fan il marketing per lur emissiun.
Qua il diari da quest'emna speziala dals 30 da matg enfin ils 2 da zercladur:
Glindesdi
Tut nov. Per las scolaras ed ils scolars da la scola Val Müstair ha l’emna cumenzà cun tempo. Sper tut la tecnica nova han els preparà ensemen cun il team dad RTR la contribuziuns per lur emissiun dal Minisguard. Or da las ideas èsi sta da crear in plan concret. Per uschia pudair mardis en il proxim pass sa meter vid la realisaziun.
Nus vain tscherchà ideas e fat ün storyboard. I d’eirà cool da far il storyboard.
Mardi
Ord ideas daventan purtrets. En differentas gruppas han las scolaras ed ils scolars cumenzà a filmar e gia tagliar lur contribuziuns. Per la animaziun èsi sta da dissegnar figuras, cuntradas ed chasas. L’emissiun da las scolaras ed ils scolars survegn plaunet furma.
Da filmar ils differents takes d'eira interessant e lustig.
Mesemna
Ord las scolaras, ils scolars da la scola Val Müstair ed il team da RTR è daventà ina gruppa gronda. Il segund davos di scroda il squitsch plaunet, ed sper finir intginas contribuziuns hai schizunt bastà per in gieu da ballape. Là dentant scola Müstair vs team RTR.
I d'eira cool da verer co chi's taglia insembel ils films.
Gievgia
Gronda premiera cun pop corn, petta, bunas contribuziuns e il grond tschaffen da tuts en scola Val Müstair. Cun la festa finala è l’emna dal Minisguard sin visita ida a fin. Restà restan massa bels muments ed ina emissiun fatga dal uffants da la Val Müstair.
A bunura avain taglià afin, davo avain fat tuortas per la premiera.
L'eivna d'eira eir mega cool. I ha fat fich plaschair.