Egn, dus, treis
Egn, dus, treis,
plang n’è betg teis,
freid n’è betg tgod
tard n’è betg bôd,
deir n’è betg lom,
fagn n’è betg strom.
Egn, dus, treis
Egn, dus, treis,
las tgoras èn per peis.
Quatter, tschintg, seis,
ia magl nign reis.
Set, otg, nov,
la vatg’ è betg en bov.
Diesch, endesch, dodesch,
igl prer ò pers igl codesch.
Tredesch, quittordesch, quindesch,
la gagligna stat segl endesch.
Sedesch, dischset, dischdotg,
i giaveisch oss buna notg.
Verset sco PDF
(Tgimirolas: Hoppaheias, versets e canzungettas, Lia Rumantscha, Cuira 2011)