Giaveischs d'unfants
Less esser la viola tot blava sen igl pro.
Less esser la lodola tgi canta aint igl blo,
tgi canta aint igl blo.
Less sur las Andas pender ord l’aria scu’gl condor.
Scu steilas less resplender, la notg scu sbrensla d’ôr,
la notg, scu sbrensla d’ôr.
Igls vans giaveischs perdunga tg’am fon, o Di’turpetg.
Digl mond sung la carunga, tras spiert ed intelletg,
tras spiert ed intelletg.
Sung esser, tg’è stgaffia pigl veir, pigl bel, pigl bung.
Sung tger unfant da Dia, vi esser chegl tg'i sung!
Vi esser chegl tg'i sung!
(igl cumpogn, Codesch da canzungs, Ediziun: Uniun rumantscha da Surmeir, 1987)