Mellen
Suglegl, schi mellencler,
te ist per nous schi tger,
te dast tanta glischour
a tot chegl tg’ò calour.
Cotschen
Cotschen e tgod è igl barnia,
tgi è or digl fi naschia,
per nous n’è’l betg privlous,
sch' igl pigliagn serious.
Blo
Guttella blava, blava,
tgi passa or per l’ava,
tgi vo sainza pussar
anfignen tar la mar.
R. Cadotsch
Verset sco PDF
Mellen e blo
Mellen è mellen e blo è blo
dei igl polesch tot pondero.
“E schi masdagn las calours?”
dumonda igl det-mussader.
“Alloura dattigl cotschen”,
dei igl det grond.
Igl det digl anel dei: schi
ampruagn u dumandagn igls oters.
“Ma chegl è cler”, dei igl
pitschen spertamaintg:
„Blo e mellen, chegl dat verd”.
M. Caglia
Verset sco PDF
(Ursign Cantign, Canzungettas e versets, Uniun rumantscha da Surmeier, 1991)