Son Niclo arriva
Buna seira son Niclo,
tota seira va vurdo,
schi te vignst cun satg e torta,
a pitgier ved nossa porta,
buna seira son Niclo.
Va ruia mintga de tgi te reivas oz tar me;
oss na saia betg tge deir,
i’ va tema, glez è veir!
Te ist bung e te ist gist,
tgira’ m digl famegl cugl fist.
Son Niclo vo tras la val,
port’ a me en bel regal.
Franc varoia mirito
en bung pled da son Niclo.
Giu da veia en scalign
rend’attent a chel tgi vign.
Son Niclo è tigl vaschign,
lagn spitgeir en mumentign.
Franc tg’el reiva er tar nous,
tots èn stos schi bungs e prous.
Verset sco PDF
(Ursign Cantign - Canzungettas e versets, Uniun Rumantscha da Surmeir 1991)