Siglir tar il cuntegn

Header

cuntegn

Animals e natira Sursilvan Il lieuret

Il lieuret

Ier sun jeu levaus bein baul

e dabot ius egl uaul.

In lieuret hai jeu cattau,

quel sin mei ha neu mirau.

Il lieuret ha lu tschintschau

ed a mi lev scutinau:

Ha ha ha, m m m, ed a mi lev scutinau.

Ti eis bein in catschadur,

o da tei hai jeu sgarschur.

Tiu tgaun nausch vul mei pigliar,

ti perfin sin mei sittar.

Lieurs han ina criua sort,

propi ina tresta sort.

Ha ha ha, m m m, propi ina tresta sort.

Vul lieuret haver ruaus,

lai mei buc cattar els praus:

Ei la veta car’a ti,

per camond stos far a mi.

Sche ti buca vegns els praus,

sas ti viver en ruaus,

ha ha ha, m m m, sas ti viver en ruaus.

(Il polischet, canzuns romontschas per l’instrucziun da clavazin tschentadas da Rica-Maria Cathomen, 1995, text J. P Voneschen, melodia populara)

Artitgels legids il pli savens