La canzun dil bau
A mi ha ina praula il vent oz raquintau:
ei mava ina gada pil mund entuorn in bau,
ei mava ina gada pil mund entuorn in bau.
Purtava losch la corna: jeu sun in grond signur.
e miu manti tarlischa, con paupers ei il pur,
e miu manti tarlischa, con paupers ei il pur.
Ed el sestenda, mira, co’l bov sto trer il criec:
co sun jeu libers, libers, mo trai ti pauper tschiec,
co sun jeu libers, libers, mo trai ti pauper tschiec.
El stat sin ina comba e saulta spert sul prau.
cheu vegn ruclond la roda e smacc’ il pauper bau,
cheu vegn ruclond la roda e smacc’ il pauper bau.
(Lodola, Casa editura cantunala per stampats e mieds d’instrucziun Cuera 1982, text Gian Fontana, musica Tumasch Dolf)