Siglir tar il cuntegn

Header

Matta en in letg ch'è sveglia.
Legenda: Bien di - co has durmiu? Dreamstime
cuntegn

Famiglia e passatemp Sursilvan Canzun dalla damaun

Canzun dalla damaun

Onda:

Bien di mes cars, co veis durmiu,

Co ha la sien a vus plaschiu ?

Affons:

O, nus vein questa notg semiau.

Ed oz vein nus brav mal il tgau.

Fidiri, fidira, fidira-la-la,

fidiri, fidira, fidira-la-la.

Onda:

Mes pigns, veis vus pudiu ord letg,

Ni veis vus fatg clamar zun fetg ?

Affons:

O, na car’onda, buca crei,

nus tuts levein bugen, matei!

Fidiri, fidira, fidira-la-la,

fidiri, fidira, fidira-la-la.

Onda:

Veis era detg a tuts bien di,

a bab e mumm’ed er’a mi?

Affons:

Bien di, bien onn, schi bein durmiu,

lein engraziar al car bien Diu.

Fidiri, fidira, fidira-la-la,

fidiri, fidira, fidira-la-la.

(Cudischs per nos pigns I, Canzunettas e Versets, Ligia Romontscha Cuera 1946)

Artitgels legids il pli savens