Chanzun en furma pdf
Jeu hai ina muronza, sper quella stess bugen,
fuss quei la mia cara, fuss quei miu legherment.
Fideri federa fiderallala fideri fidera fiderallala.
Fuss quei la mia cara, fuss quei miu legherment.
Jeu mon e mon davenda, cheu po jeu buc pli star.
Il bab e mia mumma, fan me schi fetg luvrar.
Ei dian a mi tudi: Ti hocher e Ti schelm.
Quei pos jeu buc vertir, a Ruma vi jeu ir!
Sch’jeu pos leu buc pli star, sche sai jeu aunc turnar.
Tiel bab e tier la mumma, sche sai jeu aunc luvrar.
Cheu giu en ina val, vai jeu er’in mulin.
Che mola spir carezia, e maina peglia fin.
Cheu giu en curtin, vai jeu er dus pumers.
In porta nuschs-miscat, e l’auter neghelets.
Las molas ein sfraccadas, la carezia peglia fin.
Igl ei dus che sespartan, e porschan maun carin.
Las nuschs-miscat ein petras, ils neghelets ein forts.
Quels dun jeu a mia biala, agli per in confiert.
Tier macortas mond’jeu buc, sonder mo tier bialas.
Tier quellas mon’jeu bravamein, perquei ch’ei dattan bia butschallas.
(Romontsch - ina schanza unica, Surselva Romontscha 2011)