Uschia funcziunan ils biscotgs da strias
Preparaziun: 10 min
Coier: 10 min
Las ingredienzas per 10 biscotgs
- 10 biscotgs
- 200 g nitscholas muladas
- 300 g latg condensà (dultsch)
Pass per pass
- Derscher il latg condensà en ina cuppa e maschadar cun las nitscholas muladas, uschia ch’i dat ina massa in zic dira. Sco tip: betg derscher tut las nitscholas enina en il latg condensà, mabain truschar e las agiuntar plaun a plaun.
- Prestgaudar il furnel sin 180 °C.
- Reparter la massa cun il tschadun sin ils biscotgs (grossezza: circa 0,5 cm).
- Reparter ils biscotgs sin la lastra ed als metter en furnel per circa 10 minutas. La massa duess vegnir levamain brina. Cunquai che la massa vegn spert stgira, duess ins adina tegnair bain en egl ils biscotgs.
- Ins po magliar ils biscotgs mo uschia, dentant era cumbinar els cun fritgs, jogurt u auters desserts.
Biscotgs da strias
Cumenzament da la gallaria da maletgs
Sursiglir la gallaria da maletgs
-
Bild 1 von 2. Ils biscotgs èn pronts per metter en il furnel. Bildquelle: RTR.
-
Bild 2 von 2. In biscotg cun in bun cafè – fitg bun! Bildquelle: RTR.
Fin da la gallaria da maletgs
Returnar al cumenzament da la gallaria da maletgs.
Recept sco PDF
Betg in classic snack per la stad, dentant gist per quest motiv èn ils biscotgs da strias insatge spezial.