Mintgatant essan nus fitg cuntentas e cuntents, mintgatant na vai betg uschè bain cun nus. Senta atgnamain mintga persuna uschia? E tge èn insumma sentiments? Questas engiavineras gidan a chapir las atgnas emoziuns e quellas dals auters. Da temp en temp suondan dapli gieus per uffants.
Co vai cun tai oz? Es ti cuntent? U es ti agitada? Forsa es ti trist? Tut las persunas sentan insatge. Segir has ti gia vis ils sentiments d’autras persunas cun observar lur expressiun da la fatscha. Ma sas ti era co che quests sentiments han num?
Legenda:
Era sentiments han in num – in lign en connex cun sentiments. Engiavinas ti ils sentiments corrects?
RTR
Descriver ils agens sentiments ed als dissegnar – quai gida Fadrina da vegnir a frida cun els. Nagin di n'è sco l'auter: suenter ils frusts vegn il plaschair e suenter la gritta nova calma. Noda era ti tge che fatschenta tai e co che ti ta sentas.
Legenda:
Suenter la plievgia vegn il sulegl – in diari per documentar ils tes sentiments.
RTR
Tes corp ta po mussar en differentas modas co che ti ta sentas. Tschertas reacziuns mussan a tai che tes corp dovra insatge. Pos ti dir a Fadrina, Laurin e Nesa tge ch'els ston far per sa sentir meglier?
Legenda:
Tge ta manca? Gida a Fadrina, Laurin e Nesa per ch'els sa sentian meglier.
RTR
