Uschia funcziuna la salata da lentiglias
Preparar: 30 min
Las ingredienzas per 4 persunas
- 250 g lentiglias
- 1/2 cucumera
- 1 tomata
- 2 tg aschieu
- 2 tg suc da citronas
- 6 tg ieli
- 1 tp mustarda
- 1/2 tp sal
- 1/2 tp paiver
tp = tschadun pitschen, tg = tschadun grond
Pass per pass
- Cuschinar las lentiglias sco inditgà sin il pac.
- Derscher or l’aua e lavar las lentiglias cun aua fraida.
- Tagliar las tomatas e las cucumeras en quadrins.
- Maschadar las lentiglias ed ils quadrins da cucumeras e da tomatas.
- Maschadar il suc da citrona, l’ieli, la mustarda, l’aschieu, il sal ed il paiver. Reparter la sosa sin la salata. Bun appetit!
Salata da lentiglias
Cumenzament da la gallaria da maletgs
Sursiglir la gallaria da maletgs
-
Bild 1 von 3. Las ingredienzas per la salata da lentiglias. Bildquelle: RTR.
-
Bild 2 von 3. La salata da lentiglias è pronta per magliar. Bildquelle: RTR.
-
Bild 3 von 3. In vair giudiment! Bildquelle: RTR.
Fin da la gallaria da maletgs
Returnar al cumenzament da la gallaria da maletgs.
Recept sco PDF
I na sto betg gustar, mabain funcziunar. Quest recept però funcziuna e gusta super!