Uschia funcziunan ils scones mediterrans
Preparaziun: 30 min
Coier: 15 min
Las ingredienzas per 8 persunas
Pasta:
- 280 g farina
- 1 tp pulvra scuflanta
- 1/4 tp sal
- 100 g paintg en tocs
- 1,25 dl latg
Emplenida:
- 50 g ulivas senza coc
- 50 g tomatas setgas, en ieli
- 80 g feta, tagliada en pitschens tocs
- 5 fegls basilicum frestg
Per servir (opziunal):
- crème fraîche
- rucola
tp = tschadun pitschen
Pass per pass
Pasta:
- Maschadar la farina cun la pulvra scuflanta ed il sal.
- Agiuntar il paintg e maschadar a maun, fin che la massa è smulusa.
- Derscher tiers il latg e truschar, fin che la massa è loma – betg empastar.
Emplenida:
- Tagliar fin las ulivas, las tomatas ed il basilicum. Agiuntar a la pasta.
- Furmar 8 – 10 scones cun la pasta ed als metter sin ina lastra. Springir cun feta.
- Suenter metter en furnel sin 200 grads per ca. 15 minutas.
- Laschar sfradentar in zic sin in giatter e servir cun la crème fraîche e la rucola.
Scones mediterrans
Cumenzament da la gallaria da maletgs
Sursiglir la gallaria da maletgs
-
Bild 1 von 4. Las ingredienzas per ils scones mediterrans da Dominic. Bildquelle: RTR.
-
Bild 2 von 4. Springir cun feta. Bildquelle: RTR.
-
Bild 3 von 4. Bildquelle: RTR.
-
Bild 4 von 4. Bun appetit! Bildquelle: RTR.
Fin da la gallaria da maletgs
Returnar al cumenzament da la gallaria da maletgs.
Recept sco PDF
In recept ch’è svelt preparà e che s’adatta sco spaisa principala cun ina salata ubain sco snack per in patgific apero.