Zambregiar - Flurs or da nettegiapipas

Il material

• 1 nettegiapipas violet (u da la colur giavischada)
• 1 nettegiapipas mellen
• 1 nettegiapipas verd
• fieuter gross
• fistet da fildarom
• bindel verd
• forsch

Pass per pass

1. Rullar sis giadas il nettegiapipas violet (u da la colur giavischada) enturn il fieuter.
2. Struvegiar trais giadas las duas finiziuns dal nettegiapipas. Attenziun: Struvegiar sin la vart che serra ensemen las duas finiziuns.
3. Prender giu dal fieuter il nettegiapipas. Anc ina giada struvegiar trais giadas las duas finiziuns dal nettegiapipas. Attenziun: Struvegiar sin la vart che serra ensemen las duas finiziuns.
4. Trair dapart la feglia da la flur. Struvegiar mintga fegl singul ina u duas giadas. Attenziun: Struvegiar sin la dretga vart. Smatgar giu in zichel la feglia.
5. Struvegiar in bel rudè cun il nettegiapipas mellen. Smatgar la finiziun dal nettegiapipas amez tras il chau da la flur, uschia ch’il rudè mellen è amez la flur. Alura far pli curt il nettegiapipas.
6. Smatgar da sutensi il fistet da fildarom amez tras la flur e struvegiar il bindel verd enturn il fistet. Anc struvegiar in zichel il fistet per che la flur na stettia betg tut guliv.
7. Far in’anza cun il nettegiapipas verd e silsuenter struvegiar in pèr giadas las fins dal nettegiapipas uschia ch’i sa furma in fegl. Tagliar davent il rest dal nettegiapipas. Repeter quai duas giadas.
8. Fermar ils dus fegls cun il bindel verd. La flur è pronta per la vasa.

Pass per pass

Pass per Pass

Instrucziun sco PDF