Zambregiar - Pavel per utschels

Il material

• forsch
• differentas furmas
• tgiradents
• corda
• grass da cocos
• pavel per utschels
• cuppetta
• furnel a micro-undas u furnel
• tschadun grond e tschadun pitschen

Pass per pass

1. Metta in zichel grass da cocos en la cuppetta. La cuppetta po esser mez plaina. (tut tenor quants tocs che ti vuls far)
2. Metta la cuppetta cun il grass da cocos en il furnel a micro-undas u en il furnel e lascha stgaudar, fin ch’il grass è liquid. Lascha sfradentar il grass, fin che quel è puspè in pau pli dir. Quai po durar fin 12 uras. Tip: lascha sfradentar sur notg.
3. Metta en la cuppetta in zichel pavel (betg memia bler) per utschels e truscha la massa. Cura che la consistenza è pronta, pos ti emplenir las furmas preparadas. (Bun agid: tschadun pitschen e tgiradents)
4. Cura che las furmas èn emplenidas, pos ti mintgamai chatschar en las furmas in tgiradents. Cun quel pos ti pli tard prender or da la furma il pavel. Uss stos ti avair pazienza e laschar sientar la massa sur notg fin ch’ella è dira. (alternativa pli svelta: metter en frestgera)
5. Ti pos prender il pavel per utschels or da la furma ed allontanar il tgiradents. Tras la fora pos ti chatschar tras ina corda e far in nuf. Lura pos pender si las furmas. Uss è il pavel per utschels pront.

Pass per Pass

Instrucziun sco PDF