Il material
- ina puscha
- gumma da stgima en duas differentas colurs
- palpiri alv
- fieuter nair
- colla
- pistola da cola chauda
Pass per pass
- Dissegnar ils egls sin il palpiri alv.
- Tagliar or il palpiri alv.
- Dissegnar ils dus pes da la tschuetta sin la gumma da stgima.
- Tagliar or ils pes.
- Dissegnar per il bec da la tschuetta in pitschen triangul sin la gumma da stgima e tagliar or el.
- Dissegnar duas alas sin l’autra colur da la gumma da stgima e tagliar or ellas.
- Ussa stuessas ti avair quests sis tocs sin maisa (guarda foto).
- Dissegnar cun il fieuter nair dus rudels per far la pupilla.
- Tatgar cun la colla il bec vi da la vart davos dals egls.
- Tatgar cun la pistola da colla chauda tut ils elements vi da la tschuetta; qua per plaschair dumandar per agid ina persuna creschida, la colla po brischar la detta.
Pass per Pass
