Notas en furma pdf
Ils desch morins
Desch bels morins
quels giaivan cun ün bouv
il pü pitschen restet suot
ad eiran be pü nouv.
Ün bel, duos bels, trais bels, quatter bels, tschinch bels morins
ses bels, set bels, och bels, nouv bels, desch bels morins.
Nouv bels morins
pas-chaivan oura Truoch
ün grand pesch magliet ad ün
ad eiran be pü och.
Ün bel, duos bels, trais bels, quatter bels, tschinch bels morins
ses bels, set bels, och bels, nouv bels, desch bels morins.
Och bels morins
passaivan ün fosset
ün dad els crudet loaint
ad eiran be pü set.
Ün bel, duos bels, trais bels, quatter bels, tschinch bels morins
ses bels, set bels, och bels, nouv bels, desch bels morins.
Set bels morins
as daivan giò pel nes
ün dad els crudet intuorn
ad eiran be pü ses.
Ün bel, duos bels, trais bels, quatter bels, tschinch bels morins
ses bels, set bels, och bels, nouv bels, desch bels morins.
Ses bels morins
furmaivan ün grand rinch
ün dvantet dalum “övmarsch”
ad eiran be pü tschinch.
Ün bel, duos bels, trais bels, quatter bels, tschinch bels morins
ses bels, set bels, och bels, nouv bels, desch bels morins.
Tschinch bels morins
rampchaivan sü pel giatter
il pü gross nu rivet sü
ad eiran be pü quatter.
Ün bel, duos bels, trais bels, quatter bels, tschinch bels morins
ses bels, set bels, och bels, nouv bels, desch bels morins.
Quatter bels morins
quels giaivan süllas blais
ün gnit müers dad üna serp
ad eiran be pü trais.
Ün bel, duos bels, trais bels, quatter bels, tschinch bels morins
ses bels, set bels, och bels, nouv bels, desch bels morins.
Trais bels morins
clappettan üna tuoss
il pü grand quel get in let
ad eiran be pü duos.
Ün bel, duos bels, trais bels, quatter bels, tschinch bels morins
ses bels, set bels, och bels, nouv bels, desch bels morins.
Duos bels morins
cumprettan ün flot brün
ün dad els gnit bütto giò
ad eira be pü ün.
Ün bel, duos bels, trais bels, quatter bels, tschinch bels morins
ses bels, set bels, och bels, nouv bels, desch bels morins.
Ün bel morin
cridaiv’a tuot pudair
el pigliet sieu fazölin
e quel eira tuot nair!
Ün bel, duos bels, trais bels, quatter bels, tschinch bels morins
ses bels, set bels, och bels, nouv bels, desch bels morins.
(fontauna: Chanzunettas e gös per nossas scoulinas, Ediziun: Lia Rumantscha, 1974 (seguonda ediziun), Melodia populara, text Clara Ganzoni)