Notas en furma pdf
Mengina ve nan ve e giova cun mai,
tü est la regina ed eu sun il rai.
Chavagls e charrozzas nu dessan mancar
ed ün bel chastè nus lain fabrichar.
Sün cheu la curuna dad or nus mettain
vestits da spür saida ans stan sgür eir bain,
famagls e fantschellas ans han da servir,
signuors e signuras ans ston reverir.
Dasper il chastè ün bel üert lain eir far,
cha possan insembel tras fluors spassegiar,
tadlar suot la bos-cha il chant dals utschels,
uai tü, che bellezzas, o sast alch plü bel?
(Chanzunettas e gös per nossas scoulinas, Ediziun: Lia Rumantscha, 1974 (seguonda ediziun), Melodia populara, Text 1. vers Ottilia Fulia, 2. e 3. vers Jon Vonmoos)