I ploua e ploua
I ploua e ploua
e clocca sün tet,
giò’n via già cuorra,
ün clap aualet.
Sün giassa as chattan,
ün pêr buns cumpagns,
insembel s’divertan,
in tuot ils pantans.
Eir pro ils standschegns,
s’fermar ston ün po,
e bod sun bletschs cregns,
da pè fin sün cho.
Els rian e’s guardan,
e stübgian che far,
perche els vulessan,
uoss’ir a giantar.
Verset sco PDF
(Cudesch per nos Pitschens I, Chanzunettas e Versets, Ediziun: Lia Rumantscha, 1963; terza ediziun)