Il 1973 han amaturas ed amaturs da chant fundà il Cor da baselgia da Müstair. Emprim dirigent è stà Beat Grond ed el ha era dirigì il chor suenter 25 onns, il 1998. Quest giubileum ha il chor festivà cun il disc cumpact «Misteri da Nadal». Sin quel èn registraziuns dal chor da divers onns sco era duas ovras cun accumpignament d'in ensemble da sturs.
Collavurà cun il Cor da Baselgia da Müstair ha il Cerchel Musical dalla Surselva. Il 1996 han las duas furmaziuns retschavì il premi da cultura da la Cuminanza Rumantscha da Radio e Televisiun (CRR, oz SRG.R). Quest premi sco era il giubileum da 25 onns dal Cor da Baselgia han motivà ils dus dirigents Beat Grond e Corsin Tuor da realisar il disc cumpact per Nadal.
Ina chaussa speziala vid il disc è che la registraziun dals tocs communabels n'èn betg vegnidas fatgas en il medem lieu. Il chor ha registrà sias parts a Müstair ed il Cerchel Musical dalla Surselva ha registrà sias parts a Turitg, en il studio dal radio. Grazia a la tecnica han ins pudì tagliar ensemen las registraziuns.
L'Artg musical da la Vigelgia da Nadal (24-12) porta musica da quest disc, bella musica da Nadal per il temps legraivel.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
