Quatter suspectads han stuì sa responsar la dumengia avant ina dretgira a Moscau. Els èn vegnids inculpads ier saira formalmain d'avair commess directamain l'attatga da terror datiers da Moscau.
L'audiziun n'è stada publica tenor l'agentura da novitads statala russa Tass. Ils quatter umens han gì blessuras, in ina bandascha ed in auter n'ha betg pudì ir a pe pli. Als umens oriunds dal Tadschikistan smanatschan chastis da praschun per vita duranta.
Tar l'attatga sin in center d'occurrenzas datiers da Moscau èn 137 persunas vegnidas mazzadas e tenor novas indicaziuns 182 vegnidas blessadas. Enfin uss hai dà 11 arrestaziuns. Quatter dals inculpads valan sco ils attatgaders, quai èn quels ch'han gì l'audiziun la dumengia. Ils umens èn vegnids arrestads en il territori da Brjansk e vegnids purtads enavos a Moscau.
La Frantscha entant il pli aut stgalim d'avertiment . En vista a las smanatschas che regian entras la milissa da terror dal Stadi Islamic haja la Frantscha decis per quest pass. Quai communitgescha il prim-minister franzos Gabriel Attal via la plattafurma X.
