Il suveran da Zernez ha acceptà cleramain la nova lescha da chamonas.
Tar la nova lescha vai surtut per la dumonda tgi che ha il dretg da s'annunziar per prender a fit chamonas communalas. Tenor la suprastanza n'era la lescha veglia betg pli clera, ed avess pudì chaschunar malgiustias dapi la fusiun da Lavin e Susch cun Zernez l'onn 2015. Concret vai surtut per ils abitants e las abitantas da la fracziun Brail.
Priorisadas per fittar chamonas vegnan numnadamain persunas ch’abitan en la fracziun da la chamona pertutgada. Quai vala ussa per Lavin e Susch, tranter Brail e Zernez na vegn dentant betg fatga ina differenza.
