Mesocco - Via libra per reavertura dal territori da skis da San Bernardino - Novitads

Mesocco Via libra per reavertura dal territori da skis da San Bernardino

Autur: RTR online

audio

Reacziuns sin il Gea al svilup turistic

ord Actualitad dals 20.06.2023. Maletg: RTR

laschar ir. Durada: 2 minutas 57 Secundas.

Nus avain gia memia ditg stuì patir. Las pendicularas èn stadas serradas ils davos passa 10 onns. Grazia a quest project vegnin nus dentant segir puspè a far bun quai.

Autur: abitant da San Bernardino

Glisch verda per il project

Il suveran da Mesocco ha approvà la vendita da terren en la zona Acufòrta d'ina valura da var 6 milliuns francs.

Vendita da terren en l'areal d'Acufòrta

Mesocco: Vendita e cessiun dal dretg da construcziun a la San Bernardino Swiss Alps SA

GEA

78.5%

351 Vuschs
NA

21.5%

96 Vuschs

Cun quai po la San Bernardino Swiss Alps SA acquistar il terren necessari per construir in center d'hotel e da wellness en la zona Acufòrta. En ina prima etappa èn planisadas investiziun da var 60 fin 70 milliuns francs.

audio

Mesauc: svilup turistic da San Bernardino

ord Actualitad dals 18.06.2023. Maletg: Keystone

laschar ir. Durada: 3 minutas 55 Secundas.

Cun acquistar il terren è la San Bernardino Swiss Alps SA er obligada da procurar per la reavertura dals implants da skis da Confin e da renovar en il center dal vitg da San Bernardino sis ulteriurs edifizis istorics cun caracter d'hotel. Il territori da skis è serrà dapi il 2012. En total prevesa il milliunari tessinais Stefano Artioli d'investir var 300 milliuns francs per tut quests intents.