Siglir tar il cuntegn

Header

audio
Investurs vulan avrir il territori da skis a San Bernardino
Or da Actualitad dals 11.05.2023. Maletg: MAD
laschar ir. Durada: 4 minutas 25 Secundas.
cuntegn

San Bernardino Reavertura dal territori da skis il 2024/25

San Bernardino duess puspè dasdar or dal sien. Il territori da skis ch’è serrà dapi intgins onns, duess puspè avrir il pli tard la stagiun 2024/25. Quai ha communitgà la San Bernardino Swiss Alps SA, che vul investir radund 300 milliuns francs en il lieu turistic mesolcinais.

La vischnanca politica e la vischnanca burgaisa da Mesocco èn sa cunvegnidas cun la San Bernardino Swiss Alps SA sin ils proxims pass dal project che duess purtar nov schlantsch al lieu. Ils 11 da matg vegn il cussegl communal da Mesocco a decider davart ina vendita da terren a San Bernardino en la valur da radund sis milliuns francs. Decidì definitiv vegn a l’urna ils 18 da zercladur.

Milliunari tessinais vul investir

Il milliunari tessinais Stefano Artioli vul purtar nova vita a San Barnardino. Il project San Bernardino Swiss Alps SA prevesa en l’emprima fasa d’embellir il center dal vitg cun reanimar ils hotels istorics Brocco & Posta e Ravizza. Plinavant duai dar novs hotels d’appartaments  ed abitaziuns privatas ed i duess era dar in center da wellness public. Ordaifer il vitg duessan vegnir construids novs parcadis. Per stgaudar duess vegnir construida ina rait cun chalira a distanza.

La San Bernardino Swiss Alps SA vul reavrir il territori da skis e construir novs implants da sport. Carta da skis.
Legenda: La San Bernardino Swiss Alps SA vul reavrir il territori da skis e construir novs implants da sport. sanbernardino-swissalps.com

Puspè ir cun skis a San Benardino

Sco che Niccolò Meroni, il pledader da la San Bernardino Swiss Alps SA, ha ditg envers RTR, saja ins sa cunvegnids cun la vischnanca politica e burgaisa, da reavrir il territori da skis Confin sin l’enviern 2024/25. Ins possia dentant betg excluder ch’il territori da skis possia gia avrir il proxim enviern, ma che quai capitia na possia ins dar nagina garanzia, uschia Meroni. Ins vegnia ad avrir cun ils runals, la sutgera e la pendiculara existenta. En il futur duessan ils implants dentant vegnir remplazzads entras novs.

RTR actualitad 12:00

Artitgels legids il pli savens

Scrollar a sanestra Scrollar a dretga