L’Appenzell Dadora è l'emprim chantun ch'emprova ora il permiss d'emprender d'ir cun auto electronic. Il permiss pon automobilistas ed automobilists lura duvrar sin il smartphone. Quai test da pilot stat en connex cun la nova e-ID che la federaziun vul introducir fin l'onn 2026 en Svizra. Cun il project da pilot en il chantun Appenzell Dadora veglian ins uss rimnar experientschas e testar co quai cun l'e-ID duai funcziunar.
Las persunas pertutgadas en il chantun Appenzell Dadora dastgan decider sch'i vulan il permiss d'emprender d'ir cun auto en furma da document classic u en furma electronica. Ils responsabels dal project da pilot supponan che la pli gronda part dals permiss vegnia a far diever da l'opziun digitala. Per QR-code pon lur policistas e scolasts d'ir cun auto controllar la valaivladad dal certificat.
Il permiss electronic d'emprender d'ir cun auto dal chantun Appenzell Dadora è renconuschì en l'entira Svizra ed en il Principadi da Liechtenstein. El è l'emprim document d'identitad uffizial dal stadi en furma digitala. A partir da l'auter onn duai quel vegnir introducì en l'entira Svizra.