Tabu: Terapia

Quant gudognas ti? Vulessas ti mintgatant avair sex cun insatgi auter che cun tes partenari? Has ti tema da murir? Es ti attractiva? Tut dumondas ch’ins na fa betg gist a mintgin. Er en nossa societad moderna dal vest existan tabus. Perquai la dumonda: vivessan nus meglier senza els?

Survegnir ina malsogna ed el mender cas stuair patir onns ed onns da quella – betg in bel patratg. Malsognas pon avair bleras fatschas e malsognas psichicas èn adina pli savens il motiv che persunas na pon betg lavurar. E tuttina paran quellas dad esser pli pauc acceptadas che malsognas corporalas.