Per persunas cun impediment da vesida e persunas tschorvas in manual per utilisar il flash player Tar il cuntegn, Accesskey 1 Tar la survista da las rubricas principalas, Accesskey 2

Survista da las rubricas principalas
Cuntegn

Agid

Bild des Schweizer Fernsehen Gebäudes

Radiotelevisiun Svizra Rumantscha

Radiotelevisiun Svizra Rumantscha
Plazza del teater Via da Masans 2
CH-7002 Cuira

Tel. (0)81 255 75 75

Co poss jau profitar da la purschida HD?

Tar Play RTR purschin nus bleras emissiun durant 30 dis en qualitad da High Definition (HD, 720p). Sche in'emissiun è disponibla en HD, lura mussa Play RTR en la trav da commando dal video in buttun da HD. Cun quest pudais Vus midar sin HD. Remartga: La midada po s'entardar tut tenor la largezza dal spectrum e la performanza dal processur.

Ensi

Tge emissiuns na poss jau betg guardar online?

Emissiuns che RTR n'ha betg producì sezza, p.ex. bleras serias u films, na pon ins per regla betg guardar online.

Ensi

Poss jau era guardar emissiuns pli veglias?

La gronda part da las emissiuns che RTR porscha en l'internet stat a disposiziun senza limita da temp e gratuitamain.

Pervi d'ina perdita da datas en l'archiv n'èn actualmain betg tut las emissiuns pli veglias a disposiziun. L'archiv vegn reconstruì pass a pass.

Ensi

Poss jau guardar u tadlar ils programs da RTR live en l'internet?

Gea. RTR transmetta l'entir SRF program da televisiun live en l'internet. Vus chattais ils live streams tar Play RTR sut l'opziun "Live".

Ensi

Dovrel jau in player u ina software speziala per guardar ils videos resp. tadlar ils audios?

Vus duvrais ina versiuna actuala dad Adobe Flash Player sin Voss computer u sin Voss apparats mobils d'android. JavaScript na dastga betg esser deactivà.

Per facilitar l'access al Player cun apparats mobils sco l'iPhone u l'iPad offrin nus in Player sin basa da html5. Qua na duvrais Vus nagina software supplementara.

Ensi

Jau survegn in'annunzia «Errur da JavaScript u da Flash Player» - Tge poss jau far?

Probablamain avais Vus deactivà JavaScript u utilisais ina versiun pli veglia dad Adobe Flash Player. Activai JavaScript en Voss navigatur ed installai la pli nova versiun da Flash Player sin Voss computer..

Qua chattais Vus la pli nova versiun dal Flash Player.

Ensi

Il video cuntegna pixels. Co poss jau midar quai?

La qualitad dals videos pli vegls na tanscha mintgatant betg per in maletg optimal.

Ensi

Mia colliaziun cun l'internet è fitg plauna. Poss jau tuttina guardar ils videos?

Gea. Il RTR Player porscha mintgamai la meglra qualitad da video/audio per il volumen da datas transferibel existent.

Ensi

Tge signifitga il buttun HD dal player da videos?

Uschespert ch'in video exista en qualitad HD, pon ins activar resp. deactivar quella cun il buttun HD. La midada sin la qualitad HD po durar in pèr secundas. Per il giudiment cumplain As recumandain nus dad engrondir il player cun il buttun correspundent resp. da guardar il video cun maletg grond.

Ensi

Suttitels - Tge èsi da resguardar?

A radund 40% da l’atgna producziun da la SSR vegn agiuntà suttitels, per ch’ins possia era senza tun chapir quai che vegn ditg e quai che tuna durant il maletg. Sin Play RTR pon ils suttitels (ST) vegnir activads e deactivads cun il buttun ST en la trav d’utensils dal player. ST datti per emissiuns dapi il favrer 2014. Cun resguardar in tempo da leger da 15 segns pro secunda, pon ils STs vegnir mussads en furma reducida. Tar emissiuns live poi dar in retard da fin 3 secundas, perquai ch’ils STs vegnan fatgs cun reconuschientscha vocala. Il pledader e las persunas che communicheschan ina cun l’autra vegnan inditgadas cun differentas colurs. Texts d’infurmaziun èn visualisads blau sin funs mellen. En il modus da l’entir maletg vegnan ils STs engrondids en relaziun cun l’autezza dal visur.

Ensi

Il RTR Player na vegn betg visualisà correctamain en mes navigatur. Tge poss jau far?

Cunquai ch'i dat fitg bleras versiuns da navigaturs, poi esser ch'i dat en tschertins sbagls da preschentaziun.

Il RTR Player è perquai optimà per ils navigaturs ils pli frequents. Utilisai ils suandants navigaturs per ina visualisaziun optimala:


  • Internet Explorer
  • Mozilla Firefox
  • Chrome
  • Safari

Sche Vus avais installà in navigatur pli vegl, As recumandain nus d'actualisar quel.

Ensi

È Play RTR er optimà per apparats mobils?

Da princip pudais Vus guardar ils videos e tadlar ils audios da Play RTR sin blers apparats mobils. Da preschent na stat dentant a disposiziun nagina versiun optimada spezialmain per apparats mobils.

Ensi

Pertge cumpara tar tscherts videos il messadi che jau na possia betg guardar quels per raschuns giuridicas?

Per entginas emissiuns po RTR acquistar dretgs per online mo a temp limità. Quai è savens il cas tar serias ubain documentaziuns. Perquai poi dar che singulas contribuziuns ubain emissiuns na pon betg pli vegnir mussadas suenter in tschert temp.

Ensi

Pertge cumpara sin tscherts videos il messadi ch'els na sajan betg disponibels?

Per intginas contribuziuns na po RTR acquistar nagins dretgs online. Quai è savens il cas tar rapports da sport. Perquai poi capitar che singulas contribuziuns en emissiuns da sport u da novitads na pon betg vegnir mussadas.

Ensi

Pertge poss jau guardar tschertas emissiuns mo 7 dis?

Per motivs giuridics è la publicaziun da tschertas emissiuns limitada a 7 dis. Per regla sa tracti da producziuns da terzs, per las qualas ils dretgs online èn limitads temporalmain.

Ensi

Pertge na poss jau betg guardar tschertas emissiuns ordaifer la Svizra?

Per tschertas emissiuns po RTR cumprar ils dretgs online mo per la Svizra. Quai è savens il cas tar emissiuns da sport. A maun da l'adressa IP dal computer, cun il qual Vus essas collià cun l'internet, pon ins vesair en tge pajais che Vus essas. Il player da video As dat lura l'indicaziun ch'il video è disponibel mo en Svizra.

Ensi

Pertge poss jau guardar tscherts videos mo la notg?

Per motivs da protecziun da la giuventetgna stattan tscherts videos a disposiziun mo tranter las 23.00 e las 05.00. I sa tracta da cuntegns che vegnan mussads er a la televisiun pir la saira tard.

Ensi

Per intgins videos datti la funcziun «Colliaziun / integrar». Tge poss jau far cun questa funcziun?

Cun questa funcziun pudais Vus integrar il video resp. copiar la colliaziun sin il video en Vossa atgna pagina-web u en Voss agen blog. Per implementar stuais Vus mo marcar, tagliar or ed integrar il code inditgà en il lieu giavischà da Vossa pagina. Il video vegn lura preschentà directamain là.

Resguardai p.pl. che l'integraziun d'in video è permessa unicamain per intents nuncommerzials.

Ensi

Poss jau publitgar in video sin Facebook u en in'autra rait sociala?

Gea. Utilisai ils buttuns da cundivider plazzads directamain sut il player da videos e tscherni la plattafurma giavischada.

Ensi

Jau vuless integrar in video en mia pagina-web. Poss jau adattar la grondezza dal player?

Vus pudais engrondir u empitschnir las indicaziuns da la grondezza. Endatai simplamain la largezza u l'autezza giavischada en ils champs respectivs. Resguardai p.pl. che l'engrondiment dal player da video ha influenzas sin la qualitad dal video. Cun empitschnir il video na duessas Vus betg sutpassar la largezza da 450px, perquai che Vus na pudais uschiglio betg pli utilisar da maniera optimala ils cumonds dal player.

Ensi

Poss jau telechargiar datotecas da video/audio? Tge format han ellas?

Per intgins videos pudain nus offrir a Vus il download d'ina datoteca da video MPEG 4. Per motivs giuridics na pudain nus dentant betg permetter da telechargiar tut ils videos.

Resguardai p.pl. ch'il download d'in video è permess unicamain per intents nuncommerzials.

Ensi

Jau vuless recumandar in video resp. ina passascha en in video. Co poss jau far quai?

Cliccai sin la colliaziun «Trametter» ch'è integrada sut il player da video, ed è marcada cun ina busta. Empleni lura tut ils champs en il formular e decidai, sche la persuna duai guardar l'entir video u mo ina scena definida.

Suenter che Vus avais cliccà sin «Trametter il video», retschaiva il destinatur in e-mail cun la colliaziun per quest video cun il punct da partenza giavischà.

Ensi

Poss jau era diriger cun cumonds curts il player da videos/audios?

Gea. Uschespert che Vus avais cliccà sin il player, As stattan a disposiziun per navigar ils suandants cumonds curts:


  • Interrumpan ubain laschan continuar: Tasta da vid ubain tasta "p"
  • Siglir en il video: 0-9
  • Porta enavos a l'entschatta dal video: "0"
  • Porta 15 secundas enavant: "frizza a dretga" ubain "F12"
  • Porta 15 secundas enavos: "frizza a sanestra" ubain "F11"
  • Taschenta il video, ubain returna tar il volumen da tun d'avant ch'ins ha taschentà: "M"
  • Pli da bass: paliet engiu
  • dad aut: paliet ensi
  • En grondescha il video sin l'entir visur: "F"
  • Engrondir sin ladezza dal visur: "+"
  • Empitschnir visur: "-"
  • Per bandunar il modus dal maletg grond e turnar tar il modus normal: "ESC"
  • Laschar ir il player en in pop-up: O
  • Activar/deactivar ils suttitels: "V"
  • Activar/deactivar qualitad HD: "Q"

Ensi

Poss jau sco persuna tschorva ed impedida da vesida diriger il player da video/audio cun cumonds curts, durant ch'il screenreader è activ?

Gea. Utilisai ils suandants cumonds curts:


  • Interrumpan ubain laschan continuar: Tasta da vid ubain tasta "p"
  • Siglir en il video: 0-9
  • Porta enavos a l'entschatta dal video: "0"
  • Porta 15 secundas enavant: "frizza a dretga" ubain "F12"
  • Porta 15 secundas enavos: "frizza a sanestra" ubain "F11"
  • Taschenta il video, ubain returna tar il volumen da tun d'avant ch'ins ha taschentà: M
  • Pli da bass: paliet engiu
  • Pli dad aut: paliet ensi
  • En grondescha il video sin l'entir visur: "F"
  • Engrondir sin ladezza dal visur: +
  • Empitschnir visur: -
  • Per bandunar il modus dal maletg grond e turnar tar il modus normal: ESC
  • Laschar ir il player en in pop-up: O
  • Activar/deactivar ils suttitels: V
  • Activar/deactivar qualitad HD: Q

Ensi

Pertge ha il video uschè ditg da chargiar?

Ils videos dals ultims 30 dis èn da princip disponibels fitg svelt e na duessan avair nagins problems da chargiar. Ils videos pli vegls vegnan memorisads en in auter lieu; quatras poi durar in pau pli ditg fin ch'els vegnan visualisads.

Ensi

Cun guardar in video datti disturbis sco squass, repetiziuns dad in pèr secundas u stops andetgs. Pertge?

I po esser ch'i dat differents disturbis cun guardar in video u tadlar in audio, ils quals stattan en connex cun la tecnologia da streaming ed ils providers d'internet. Il motiv principal è il midament normal e dinamic dal volumen da datas transferibel. Il player examinescha cuntinuandamain ils volumens da datas transferibels che stattan a disposiziun ed adattescha la qualitad da streaming. Squass u disturbis sumegliants pon inditgar in tal midament.

Vus pudais midar quai cun activar l'uschenumnada "acceleraziun da la hardware" dal Flash Player (clic cun la tasta dretga sin il Player -> Configurar… -> Activar l'acceleraziun da la hardware).

Ensi