Tabu: Temas

Quant gudognas ti? Vulessas ti mintgatant avair sex cun insatgi auter che cun tes partenari? Has ti tema da murir? Es ti attractiva? Tut dumondas ch’ins na fa betg gist a mintgin. Er en nossa societad moderna dal vest existan tabus. Perquai la dumonda: vivessan nus meglier senza els?

Nus carstgauns avain gugent bels sentiments. La vita mussa dentant adina puspè ch’il sulegl na po betg adina sclerir e ch’i dovra era la plievgia. Las temas han gia adina accumpagnà il carstgaun ed èn anc oz – en nossa societad moderna – in tema da tabu.