Tabu: Cardientscha

Quant gudognas ti? Vulessas ti mintgatant avair sex cun insatgi auter che cun tes partenari? Has ti tema da murir? Es ti attractiva? Tut dumondas ch’ins na fa betg gist a mintgin. Er en nossa societad moderna dal vest existan tabus. Perquai la dumonda: vivessan nus meglier senza els?

In tema ch’era pli baud ina gronda part dal mintgadi d’ina persuna e ch'ha ozendi forsa pers in zic impurtanza è la cardientscha. Ési ozendi – cuntrari a pli baud – forsa bunamain tabu da conceder ch’ins crai en Dieu e ch’ins veglia esser part d’ina religiun?