Plum tar Swiss Ski

Sepp Brunner n'è betg pli trenader da speed dals skiunzs svizzers.

Trenader da skis. Bild in Lightbox öffnen.

Legenda da maletgs: Sepp Brunner ha lavurà radund 20 onns per Swiss Ski. Keystone

Il trenader da speed dals skiunzs svizzers Sepp Brunner è vegnì relaschà per la fin da mars. Quai ha l'Austriac confermà envers SRF. La raschun saja stada sia critica publica dal schaner.

Critica da Brunner

Brunner aveva crititgà ch'ils Americans n'han betg pudì trenar sin la pista dals Campiunadi mundials a San Murezzan – e quai malgrà ina cunvegna. Quest cumportament na saja betg stà en urden, ha crititgà Brunner.

Brunner è stà activ durant radund 20 onns tar Swiss Ski. Sco quai ch'el ha ditg envers SRF na chapeschia el betg la decisiun. Ins n'haja mai tschertgà il discurs cun el.

Cumportament illoial

La pledadra da Swiss Ski ha medemamain confermà la relaschada dal trenader. Sco raschun per quest pass ha ella numnà in cumportament illoial envers Swiss Ski. Malgrà ils success ch’ins haja festivà ensemen, haja Swiss Ski perquai decis da relaschar Sepp Brunner.

RR novitads 11:00