In di tar RTR
En furma da lavuratori emprendan scolaras e scolars co far retschertgas fundadas e silsuenter co crear da quellas in storyboard per filmar e tagliar ina contribuziun. Uschia emprendan els era cumpetenzas impurtantas per savair identifitgar fakenews e traplas en la rait. In di plain experientschas e divertiment.
Nossa purschida per in di:
- ina guida tras la chasa RTR
- discussiuns cun persunas dal fatg, RTR
- tips e trics per filmar e tagliar
- las basas per far retschertgas fundadas
- emprender d’identifitgar fakenews
- sa far in’opiniun sin basa da fatgs
- quiz divertents che provocheschan discussiuns
- tips e trics per social media
- emprimas experientschas cun noss mund virtual da la Metalounge RTR
- gentar communabel en chasa RTR
Scolaras e scolars èn oz savens en la rait ed online en las medias socialas, quai è lur mund. Sch'ins po visitar il studio a Cuira, è quai fitg interessant. Jau sun cuntent ch'i dat questa purschida e che nus pudain profitar da persunas spezialisadas sin il sectur da la cumpetenza da medias
Impressiuns d'in di tar RTR
