Durant quatter dis è vegnì retschertgà, planisà, filmà, taglià e moderà en la chasa da scola a Sent. La 5avla e 6avla classa da Sent han producì ensemen cun redacturas e redacturs da RTR il Minisguard da quest'emna.
Prender decisiuns – il grond tema da l'emna
Ils otg scolars ed ina scolara han creà in'emissiun enturn il tema «prender decisiuns».
Per quai han ils uffants fatg trais gruppas. Mintga gruppa ha in suttema davart «prender decisiuns»:
- Fatgs davart decisiuns
- Consequenzas da prender decisiuns
- Tgi decida insumma?
Glindesdi
Ils trais uffants da mintga gruppa èn lura sa specialisads sin ina part da la producziun da l'emissiun. Ina persuna era il profi da la camera e filmar, la segunda era la schurnalista u il schurnalist da la gruppa e retschertgava ils fatgs e studegiava co raquintar l'istorgia e la terza persuna ha survegnì ina pitschna scolaziun da tagliar videos.
Mardi e mesemna han ils teams lura realisà ensemen lur contribuziuns.
-
Bild 1 von 11. Trenar da filmar e far intervistas avant ch'i va liber. Bildquelle: RTR.
-
Bild 2 von 11. Era tagliar ils videos è ina part impurtanta. Bildquelle: RTR.
-
Bild 3 von 11. Ui, tge bler material. Bildquelle: RTR.
-
Bild 4 von 11. Sco team va tut pli tgunsch. Bildquelle: RTR.
-
Bild 5 von 11. Far intervistas cun persunas da Sent. Bildquelle: RTR.
-
Bild 6 von 11. Betg be interessant per ils uffants, mabain era per las persunas che dattan las intervistas. Bildquelle: RTR.
-
Bild 7 von 11. Sin via a Sent tar la proxima intervista. Bildquelle: RTR.
-
Bild 8 von 11. Ils uffants emprendan era co bajegiar si glisch. Bildquelle: RTR.
-
Bild 9 von 11. Ed action! Bildquelle: RTR.
-
Bild 10 von 11. Per quella emna speziala datti in nov intro dal Minisguard. Bildquelle: RTR.
-
Bild 11 von 11. Betg emblidar dad avair legher. Bildquelle: RTR.
Vitiers han la scolara ed ils scolars era fatg radio e raquintà ina giada per di live tge ch'ella ed els èn gist vi da far.
Gievgia è il grond di da la premiera. L'avantmezdi èn anc las moderaziuns vegnidas registradas ed il team da RTR ha dà las davosas filadas vi da l'emissiun. Suentermezdi è lura tut vegnì preparà per la premiera dal Minisguard a Sent. Là èn tut las scolaras e scolars, magistraglia, famiglias sco era las persunas or dals vitgs vischinants da Sent stads envidads.
-
Bild 1 von 12. La gievgia èn er anc las moderaziuns per il Minisguards vegnidas filmadas. Bildquelle: RTR.
-
Bild 2 von 12. Tagliar ora maletgs da l'emna per la decoraziun. Bildquelle: RTR.
-
Bild 3 von 12. Balluns fan tut pli festiv. Bildquelle: RTR.
-
Bild 4 von 12. La decoraziun per la premiera a Sent è pronta. Bildquelle: RTR.
-
Bild 5 von 12. Scolaras e scolars èn pronts da mussar lur Minisguard. Bildquelle: RTR.
-
Bild 6 von 12. Intgins spetgan dentant anc sin popcorn. Bildquelle: RTR.
-
Bild 7 von 12. Il scolast da la 5avla e 6avla classa da Sent Flurin Parolini beneventa il public. Bildquelle: RTR.
-
Bild 8 von 12. Bildquelle: RTR.
-
Bild 9 von 12. In'impressiun da la premiera. Bildquelle: RTR.
-
Bild 10 von 12. La premiera è vegnida moderada live da scolara e scolars. Bildquelle: RTR.
-
Bild 11 von 12. Scolara e scolars da la 5avla e 6avla classa da Sent. Bildquelle: RTR.
-
Bild 12 von 12. Directur da RTR, Nicolas Pernet da Sent, dat pled e fatg. Bildquelle: RTR.