Siglir tar il cuntegn

16.10.2025, 17:10 Ura Chantun Grischun: Budget 2026 - pertge sch'in grond minus?

Il Grischun quinta l'auter onn cun in deficit marcant pli aut da 111,3 milliuns francs. Cunquai cuntinuescha il trend negativ tar la planisaziun dals budgets chantunals. Per l'onn current aveva il chantun anc quintà cun in deficit dad 87,2 milliuns francs.

En il budget 2026 quinta il cusseglier guvernativ Martin Bühler cun cifras stgir-cotschnas. Uschia cuntinuescha il trend tar ils budgets dapi il 2023 cun deficits budgetads adina pli auts.

Las raschuns èn tenor il chantun las expensas totalas che creschan pli fitg che las entradas totalas. Sin las expensas da bun 3,068 milliardas francs (+3,1%) fruntan las entradas da 2,926 milliardas francs (+2,4%). Uschia resulta in deficit da 111,6 milliuns francs – marcant dapli ch'ils 87,2 milliuns dal budget per quest onn. Perquai na datti tenor il minister da finanzas Martin Bühler nagin spazi per ulteriuras expensas.

Dapli dal tema

Dapli da «Actualitad»