La populaziun da las vischnancas da Tschappina, Urmagn e Flerda è vegnida infurmada mardi saira davart il project d'amplificaziun planisà da l'implant d'ennavar. Il president dal cussegl d'administraziun dals Runals da Tschappina-Lüsch-Urmein SA, Hanspeter Grass, ha discurrì d'in pass impurtant en l'avegnir dal territori da skis. La finamira saja da pudair ennavar cumplettamain las pistas principalas entaifer tschintg fin set dis – enstagl da 15 fin 20 dis sco enfin ussa. Uschia duai vegnir meglierada en spezial la segirezza da naiv sur ils dis da Nadal. Ina part centrala dal project è il lai da Lüsch che proveda cun aua l'indriz d'ennavar. Il lai era vegnì reactivà pir avant trais onns suenter ch'el era stà airi passa tschient onns.
cuntegn
05.11.2025, 07:27 Ura Runals da Tschappina vulan engrondir l'indriz d'ennevar
Engrondir l'indriz d'ennavar existent munta investiziuns da var 2,5 milliuns francs. Cun quai vegnir meglierada la segirezza da naiv en il territori da skis pitschen e quai senza participaziun finanziala da las vischnancas.
Parter
