Durant duas uras Artg musical datti duas ovras fitg differentas, dus oratoris. Sco emprim «Nadal – in oratori». Il 2008 è stada la primaudiziun da l'ovra da Peter Appenzeller e da Roman Weishaupt. Il Chor mischedau Schluein e la Societad da musica Falera han preschentà l'istorgia da Nadal a moda in pau pli moderna.
Suenter il concert indigen datti lura in'oratori da Hans Huber. «Weissagung und Erfüllung» è sia capodovra da chant sinfonic. I sa tracta d'ina sort cantata da Nadal. Hans Huber ha scrit musica en il stil da la romantica tardiva, el vegn era numnà «Brahms da la Svizra». Igl è in concert dal 2022 cun orchester e chors da Basilea. En questa citad è Huber stà engaschà fitg.
