Quai, che capita en questa episoda pon ins magari far be cun persunas, ch’èn dachasa en la natira. Giulian Mirer da Rabius e Pablo Schmed da Trun èn exact quellas persunas e furman ensemen il team «Psychonauts Sursilvans». Dus spierts libers, che n’han betg temma da sfundrar en la proxima aventura. Ils subjects vatga, buatscha e latg fruntan en questa episoda sin ils verbs sfundrar, identifitgar e gustar. Che subject, che va ensemen cun tge verb stuais vus chattar or.
Stafla 2 – I vegn pli dir per Team RTR
Battas ti RTR?!
Tuttina tge vegliadetgna, gender, talent u idiom – nus tschertgain vus! Per la nova stafla «Battas RTR?!» tschertgain nus equipas da duas persunas, che san battar il team RTR (Marcus Petendi ed Elias Tsoutsaios) en trais gieus ed uschia gudagnar enfin 400.- francs cash!
Collega e colleg, frar e sora, cusrina e cusrin, mumma e figl, figlia e bap, scheffa ed emploià u marusa e marus – la cumbinaziun n'importa betg, be la motivaziun!
Avais vus temp d'atun ed avais il talent per batter RTR? Sche lura s'annunziai giusut per partecipar!
L'emprima stafla entira ed entratga!
Tgi èn Marcus ed Elias?
Els lavuran sco redacturs e moderatur tar RTR, èn dentant oravant tut era enconuschents sco vuschs dal podcast «Ils Dus Da Nus». Sasez vesan els sco imbattibels, l'istorgia mussa dentant in auter maletg.
